Erabilerraztasun

Erabilerraztasunaren bidez, zenbait erabiltzaile taldek Interneten nabigatzeko dituzten oztopoak desagerrarazi nahi dira, edo behintzat, murriztu, informazioa eskuratzeko modua izan dadin. Erabiltzaileek zailtasun fisikoak eta psikikoak izan ditzakete, baita darabilten teknologiarekin lotutakoak ere:

Ikusteko, entzuteko edo mugitzeko arazoak
Edukia ulertzeko zailtasuna
Intuizio gutxiko nabigazioa
Konexio motela
Nabigatzaile zaharkituak edo edukia ondo interpretatzen ez dutenak
Zenbait tresna ez izatea (arratoia, teklatua, etab.)

Bizkaiko Foru Aldundiak badaki garrantzitsua dela Interneterako sarbidea izatea, horri esker, edozeinek baitu Bizkaiko Foru Aldundiaren edukiak eskuratzeko aukera . Hori dela eta, erabilerraztasuna bermatzen eta egunero hobetzen saiatzen da. Web 1.0 (http://www.w3.org/TR/WAI-WEBCONTENT/) eduki eskuragarrien argibideei jarraituz (A bikoitza maila), eta egitura, aurkezpena, edukia eta funtzionaltasuna bereizteko ahalegin berezia eginez bermatzen du erabilerraztasuna www.bizkaia.eu webguneak.

Ikusizko diseinua

W3Ck kaskadako estilo-orriei buruz (2. maila, CSS2) egindako gomendioaren arabera egin da ikuste-diseinua. Nahiz eta nabigatzaileak edo nabigatzeko gailuak estilo-orriak onartu ez, web-ean dagoen edukia irakurtzeko modukoa da, haren egitura nabarmenari esker. Webgunean erabiltzen diren letra-tipoek dimentsio erlatiboak dituzte eta horrek esan nahi du erabiltzen ari den nabigatzailearen bitartez, erabiltzaileak tamaina kontrola dezakeela.

Irisgarritasun-maila baliozkotzea

www.bizkaia.eu webguneko orri guztiek gainditu dituzte A eta A bikoitza mailak, TAW tresna (http://www.tawdis.net) erabiliz, posta elektronikoko bezeroen orri espezifiko batzuek izan ezik; izan ere, funtzionaltasun egokia emateko behar den teknologia dela eta, zenbait arazo dituzte maila horiek gainditzeko.

Aplikazioa pantaila-bereizmen desberdinetan behar bezala ikusten dela egiaztatu, eta Interneteko erabiltzaileek gehien erabiltzen duten pantaila-bereizmenetarako egokia izan dadin saiatu.
Kolore-kontrastea zuzen dabilela egiaztatu aplikazioa gris-eskalan bistaratzen denean, eta ziurtatu aplikazioak arazorik ez duela zenbait kolore ikusteko zailtasunak dituzten erabiltzaileentzat.

Erabilerraztasuna bermatzeko, honako funtzionaltasun hauek ere gunean sartu dira:

Itxura egokitzea, erabiltzaileak bere nabigatzailearen bidez definitutako estilo-orri pertsonalizatuak erabiliz
Letra oso handiak erabiltzeko aukera izatea.
Pantaila-irakurleak erabiltzeko optimizatua: esteka eta irudi guztiak behar bezala etiketatuta daude.